Juan R. Liwag Memorial High School
Gapan City, Philippines
August 24, 2004
Sa Kinauukulan:
Ako ay si Randolph J. Velayo, 13 taong gulang, bunso sa
aming pitong magkakapatid, at kasalakuyang naninirahan sa
Bagong Sicat, San Vicente, Gapan City, NE. Sa pangangalaga
ng aking nakatatandang kapatid na si Gng. Rodelita V. Carating
at sa kanyang asawa na si G. Jesus A. Carating. Ang akin
po na ina na si Gng. Lilia J. Velayo ay namatay na ng ako
ay 5 taong gulang pa lamang at makalipas ang 4 na taon ay
sinundan narin ito ng pagpanaw ng aking ama na si G. Rodolfo
D. Velayo. Kaya ngayon po ay ulila na po kami. Salamat na
lamng at mayroon po akong Ate na siyang nangangalaga at
nag-aaruga sa akin. Sa kabila po ng aking pagiging ulila
ako po ay nangangarap na baling araw ay makatapos ng aking
pag-aaral. Kaya nga po ako ay mag-aaral na mabuti sa tulong
po ng aking ate ay umaasa lamang sa isang tindahan at minsan
ay kinakapos sa mga nakatatandang kapatid. Nagtutulong-tulong
po lamang sila para kami po ng kapatid kong sina Rodeliza
at Rodolfo ay makapag-aral. Subalit sa kahirapan minsan
ay kinakapos kami, kahya nga nasabi nag aking ate, na sama
aymagkaroon pa siya ng isa pang pagkakakitaan para masuportahan
niya ang aming pag-aaral. Minsan nga po ay naaawa na po
ako sa kanya sa kadahilanang siya pa nga itong di masyadong
malaki ang kita ang siya pang nakatutulong ng malaki sa
amin. Madalas po ay nananalangin ako na nawa makatapos po
kami ng pag-aaral ng makaganti naman po ako sa ginagawang
pagsuporta sa akin ng aking mga kapatid, lalu na ng aking
ate. Salamat sa Diyos at dininig niya ang kagustuhan ko
sa aking mga dalangin, dahil po sa pagpili po ng aking mga
guro na ako po ay magkaroon ng “scholarship.”
Sa pangunguna po ni Gng. Batongbakal na siya pong nagbigay
nito sa ngalan ng OFFICERS AND MEMBERS OF ACES.
Maraming salamat po at akin pong gagawin ang lahat ng aking
makakaya sa tulong ng Panginoon, upang huwag kong biguin
ang aking mga kapatid at ang ACES. Sisikapin ko pong tumaas
pa ang aking marka, upang di po masayang ang pagtitiwala
ng ACES sa akin. Ang Pagpapala po ay sumainyo sa malaking
tulong na ibinigay ninyo sa akin. Maraming salamat po uli!
RANDOLPH J. VELAYO
